Сан-Диего. Мария Саккари 77-ракеткага ютқазиб қўйди

Кутилмаганда дунёнинг еттинчи ракеткаси Мария Саккари илк даврадаёқ мағлубият аламини тотиб кўрди. Грециялик теннис маликаси WTA рейтингида 77-поғонада бораётган хорватиялик Донна Векичга 6/7(3), 1/6 ҳисобида имкониятни бой берди. 

Тўқсон саккиз дақиқа давом этган баҳсда Саккари 4, Векич 7 та эйс зарбасини амалга оширган. Мариянинг 7 та қўшхатоси унга қимматга тушди. Энди Векич чехиялик Каролина Плишковага қарши кортга чиқади.