Санчо "Манчестер Юнайтед"га ўтишга рози

Футболчи фаолиятини инглиз клубида давом эттиришга тайёр. У "Манчестер Сити" тарбияланувчисидир, шу сабаб шаҳар унга бегона эмас.

Жейдон Санчо шунингдек МЮ ҳужумчиси Маркус Рэшфорд билан дўстдир. Форвард интервьюларидан бирида 20 ёшли хавбек билан бирга ўйнашини хоҳлашини айтганди.

Санчо жорий мавсум "Боруссия" либосида Бундеслигада 23та ўйинда майдонга тушиб, 14та гол ва 15та ассист қайд этган.

Олдинроқ хабар берилганидек, "Боруссия" уни 110 миллион евродан камига сотмайди. Унга қизиққан "Ливерпуль" ва "Челси" бундай миқдордаги маблағни тўлашга тайёрмаслиги сабаб футболчи учун курашдан чиққанди.