29 сен 11:43
Янгиликлар

Теннис

Санжар Файзиев Чимкентдаги "Фьючерс" турнири ғолиби бўлди!

Қозоғистоннинг Чимкент шаҳрида эркаклар ўртасида теннис бўйича мукофот жамғармаси 15 000 АҚШ долларини ташкил этувчи "Фьючерс" мусобақаси якунига етди.

Хабар бериб ўтганимиздек, турнирнинг биринчи ракеткаси сифатида қайд этилган Санжар Файзиев бугун финал баҳсида кортга чиқди.

Ушбу баҳсда теннисчимизга россиялик Александр Игошин рақиблик қилди.

1 соат 33 дақиқа давом этган ўйинда теннисчимиз рақибини 6:2, 6:3 ҳисобларида мағлуб этди ва турнир ғолибига айланди.