Санжар Раҳмонов мағлубиятига изоҳ берди

Хабарингиз бор, Флойд Мейвезерга тегишли промоутерлик компанияси мижози ҳисобланган чарм қўлқоп устамиз шанба куни Хантерга қарши кечган реванш жангида рақибига очколар ҳисобига кўра имкониятни бой бериб қўйганди. 

"Мен учун дуода бўлганларнинг барчасидан миннатдорман. Ўн раундлик жангим жуда муросасиз кечди, шунингдек бокс оқшомининг энг чиройли жанги деб тан олинди. Озгина техник хатоликлар ва камчиликлар сабабли реванш жангида имкониятни бой бериб қўйдим. Лекин бу кейинги бўладиган жангларим учун катта қадам ҳамда етарлича тажриба бўлади деб ўйлайман", - деди Раҳмонов.

Маълумот учун, бу Санжар Раҳмоновнинг проф рингдаги учинчи мағлубияти бўлди.