04 окт 11:15
Янгиликлар
Муайтай
Санжар Зокиров билан бир кардда жанг қилган Асламжон Ортиқов собиқ чемпионни мағлуб этди
Хабар берганимиздек, бугун тонгда Бангкок шаҳрида (Таиланд) ММА, муай-тай, кикбокс ва грэпплинг бўйича ONE Fight Night 36 турнири ташкил этилди.
ONE Fight Night 36 турнирининг иккинчи асосий баҳси (co main event) юртдошимиз иштирокида ўтди. Тажрибали муай-тай устаси Асламжон Ортиқов мусобақада Таиланд вакили, Лиганинг собиқ чемпиони Конгторане билан тўқнаш келди.
3 раундлик беллашув тўлиқ давом этиб, якунда баҳс ғолиблиги Ортиқовга насиб этди. Асламжон рақибини ҳакамлар қарорига кўра таслим этди.
Бу орқали Ортиқов ONE FC Лигасидаги тўққизинчи жангида тўққизинчи ғалабасини нишонлади.
Аввалроқ, турнир доирасида ўзбекистонлик ММА жангчиси Санжар Зокиров Хитой вакили Ёнг Хуни очколар ҳисобига кўра ютгани ҳақида хабар бергандик.
Ҳавола :
Манба : olamsport.com
Фикрлар