19 дек 16:52
Янгиликлар

Бокс/ММА

Санжар Зокировнинг навбатдаги рақиби ва жанг санаси маълум + ПОСТЕР

Ўзбекистонлик аралаш яккакураш устаси Санжар Зокировнинг навбатдаги жанги бўйича тафсилотлар маълум бўлди.

21 ёшли ҳамюртимиз 2025 йилнинг 11 январь куни Таиланднинг Бангкок шаҳрида ўтказиладиган ONE Fight Night 27 турнири доирасида октагонга чиқади. Ўша куни унга япониялик Татсумитсу Вада рақиблик қилади. Жанг асосий кард доирасида ўтказилади.

Зокиров фаолияти давомида ҳозиргача 10 та жанг ўтказиб, уларнинг барчасида рақибларидан устун келган. У шу йилнинг кузида сентябрь ва октябрь ойларида япониялик Хироба Миновага қарши жанг қилиши керак эди. Аввалига жанг кечиктирилганди, кейин эса иккинчи жанг белгиланган куни Минова йўқолиб қолганди.

Маълумот учун, 36 ёшли тажрибали Татсумитсу Вада ҳисобида 26 ғалаба, 12 мағлубият ва 2 та дуранг бор.