29 авг 14:54
Янгиликлар

Бокс/ММА

Санжарбек Раҳмонов мексикалик рақибини муддатидан олдин мағлубиятга учратди

Профессионал боксчимиз Санжарбек Раҳмонов Мексикада проф рингдаги навбатдаги жангини ўтказди.

Ушбу жангда ҳамюртимизга мезбон боксчи, Косме Ривера (42-34-3) рақиблик қилди. 6 раундга мўлжалланган жанг 2-раунддан кейин ўз ниҳоясига етди. Ҳамюртимиз томонидан берилган зарблаларни ўтказиб юбориш натижасида Риверанинг қоши ёрилди ва 2-раунддан кейин мезбон боксчининг жамоаси жангни давом эттирмасликка қарор қилди.

Шу тариқа, Санжар Раҳмонов муддатидан олдин ғалабага эришди.

Бу ҳамюртимиз учун фаолиятидаги профессионал боксдаги 17-жанг бўлди. У проф рингда 13 маротаба ғалаба қозонган. 3 маротаба имкониятни бой берган. 1 марта эса дуранг қайд этган.