Саудия Арабистони клуби Осимхен билан музокаралар олиб бормоқда

Ҳозирги вақтда футболчи фаолиятини давом эттириш учун янги жамоа изламоқда. Хабар қилинишича, "Ал Ҳилол" Осимхенни сафига қўшиб олишга жуда қизиқмоқда. Ар-Риёд клуби аллақачон нигериялик футболчи билан музокаралар бошлаган. Вазият ривожини "Манчестер Юнайтед" ҳам диққат билан кузатиб бормоқда.

Maълумот учун, Осимхеннинг "Наполи" билан шартномаси 2026 йил июнь ойигача амал қилади. "Галатасарой" таркибида ижара асосида ўйнаётган 26 ёшли ҳужумчи ушбу мавсум барча мусобақаларда жами 40 ўйинда майдонга тушиб, 36 та гол урди ва 8 та голли пас узатди. Transfermarkt портали нигериялик футболчининг нархини 70 млн евро деб баҳоламоқда.