Сауль Альварес - Авни Йилдирим жанги учинчи раундда якунланди + ФОТО

Оқшомнинг марказий жанги иккинчи ўрта вазнда WBA Super ва WBC йўналишлари чемпиони, мексикалик афсона Сауль "Канело" Альварес ҳамда туркиялик даъвогар Авни Йилдирим ўртасида бўлиб ўтди. Ўн икки раундга мўлжаллаган баҳснинг учинчи раундида туркиялик боксчининг мураббийлари жангни давом эттиришдан бош тортишди. 

Шу тариқа, бокс афсонаси навбатдаги ёрқин ғалабасини қўлга киритди.

Маълумот учун, Сауль Альвареснинг кейинги жанги ҳам деярли аниқ бўлиб улгурган. У май ойида WBO чемпиони Билли Жо Сондерсга қарши рингга кўтарилади.