Сауль Альварес Оскар де ла Хойя билан хайрлашди, энди у озод қуш

Мексикалик жаҳон чемпиони Оскарга тегишли Golden Boy промоутерлик компанияси билан ҳамкорликда ишлаб келаётганди. Бу ҳақида Альвареснинг ҳам менежер, ҳам мураббийи Эдди Рейносо хабар берди.

"Саулнинг мураббий ва менежери сифатида шуни эълон қиламанки, бугундан, яъни 6 ноябрдан эътиборан Альварес эркин агентга айланди. Тез орада биз навбатдаги жанг санаси ва манзилини эълон қиламиз. Сауль янада кучли бўлиб қайтади. Мексика бокси дунёда энг яхшиси эканини исботлаймиз", — дея Рейносонинг сўзларини келтирмоқда BoxingScene.