12 мар 18:30
Янгиликлар

Бокс/ММА

Сауль Альвареснинг Мунгиага қарши жангдаги кафолатланган гонорари маълум

Иккинчи ўрта вазн тоифасида мутлақ жаҳон чемпиони Сауль "Канело" Альварес навбатдаги жангини 4 май куни ўтказади.

Мексикалик шу куни АҚШнинг Лас-Вегас шаҳрида мағлубият нималигини билмай келаётган ҳамюрти Хайме Мунгиага қарши рингга кўтарилади. Канелонинг ўзи ҳам Premier Boxing Champions промоутерлик компанияси билан битта жанг учун имзоланган ушбу баҳснинг ўтказилишини тасдиқлади.

Маълумотларга қараганда, Канело бўлажак чемпионлик ҳимоя жангидан 35 миллион АҚШ доллари миқдорида кафолатланган гонорар олади. Хайме Мунгиа шу кунгача проф боксда 43 та жанг ўтказган бўлиб, уларнинг барчасида ғалаба қозонган. Ҳисобида 34 та нокаут бор.