09 июн 19:00
Янгиликлар

Футбол

«Саутгемптон» собиқ футболчиси ЎЗДЖТСУ профессор-ўқитувчиларига семинар ўтди

Ўзбекистон давлат жисмоний тарбия ва спорт университетига Англянинг «Саутгемптон», «Шеффилд Юнайтед» жамоалари собиқ футболчиси, ҳозирги кунда мураббийлик фаолиятини олиб бораётган Майкл Ричард Адамс ташриф буюрди.

Ташриф доирасида университет Футбол назарияси ва услубияти кафедраси профессор-ўқитувчилари учун Майкл Ричард Адамс иштирокида «Замонавий футбол янгиликлари ва муаммолари» мавзусида семинар ташкил этилди.

Шундан сўнг университет ректори, профессор Маҳмуджон Болтабаев ва меҳмонлар ўртасида халқаро талаб ва стандартлар асосида футбол бўйича тренер ва ҳакамларни тайёрлаш, қайта тайёрлаш ва малакасини ошириш юзасидан фикр алмашилди.

ЎзДЖТСУ матбуот хизмати