08 апр 09:14
Янгиликлар
Бокс/ММА
Саят Илясовни Туркиядаги халқаро турнирда ўзбекистонлик боксчи тўхтатиб қолди
Туркиянинг Истанбул шаҳрида бокс бўйича Ахмет Комерт хотира турнири ўтказилаётгани ҳақида хабар бергандик.
Мусобақада Ўзбекистон терма жамоасининг собиқ аъзоси Саят Ильясов 65 килограммгача бўлган вазн тоифасидаги баҳсларда иштирок этаётгани ва унинг ярим финал босқичидаги жанги ҳамюртимиз Илҳомжон Эргашевга қарши бўлиши ҳақида хабар бергандик.
Боксчилар ўртасидаги жангда Эргашевнинг қўли баланд келди. Илҳомжон Саят Илясовни 4:1 ҳисобида мағлубиятга учратишнинг уддасидан чиқди.
Маълумот учун, Саят Ильясов — этник қозоқ бўлиб, аввал Ўзбекистон шарафини ҳимоя қилган. У терма жамоамиз сафида 22 ёшгача бўлганлар ўртасида Осиё чемпионига айланган, 2025 йилги IBA жаҳон чемпионатида иштирок этган. 2026 йил бошида расман спорт фуқаролигини ўзгартирган Ильясов ҳозирда Манғистау вилояти ва Қозоғистон миллий терма жамоаси шарафини ҳимоя қилмоқда.
Ҳавола :
Манба : Olamsport.com
Фикрлар