27 авг 08:30
Янгиликлар

Бокс/ММА

Сен-Пьер: UFC ҳали менга Хабиб билан жанг таклифини бермаган

Икки вазн тоифасида собиқ UFC чемпиони Жорж Сен-Пьер ҳали ташкилотдан промоушен чемпиони Хабиб Нурмагомедов билан жанг ўтказиш борасида ҳеч қандай расмий таклиф олмаганини маълум қилди.

"UFC ҳозирча менга таклиф билан чиқмади. Лекин аминманки, бу таклиф албатта бўлади", — деди Жорж Сен-Пьер.

Аввалроқ, UFC президенти Дэна Уайт Хабиб - Сен-Пьер жангини ташкил этиш ўзи учун катта шараф эканлигини айтганди. Хабибнинг фаолиятидаги сўнгги жанг айнан Жоржга қарши кечишини маълум қилган эди. Уайт Хабиб Нурмагомедов - Жастин Гэтжи жангидан сўнг ушбу тўқнашувни ташкил этиш ишларини бошлайди.

Таққослаш учун, 31 ёшли Нурмагомедов 28 та жангининг барчасида ғалаба қозонган. 39 ёшли Сен-Пьер ҳисобида 28 та жангдан 26 ғалаба бор. Икки жангда мағлубият аламини тотиб кўрган.