Сен-Пьер Хабиб билан эҳтимолий жанг ҳақида: "Мен 42 ёшдаман..."

"Барча ўзаро жангимизни кўришни истарди, чунки Хабибда идеал карьера бўлган. Хеч ким уни мағлуб эта олмаган, у ўз чўққисида кетган. Агар мен биргина жанг учун октагонга қайтишим керак бўлганида, айнан ўшанда бу ишни қилардим.

Аммо мен ҳозир 42 ёшдаман. Доимо ўзимга "40 ёшга тўлганимдан сўнг барчаси тугайди" деб келганман. Қайтишга хеч нарса мени мажбур қила олмайди. 38-39 ёш бўлган пайтимда ҳам жанг қилишим мумкин эди. Хатто унинг вакиллари ҳам Хабиб мен билан учрашмоқчи эканлигини айтганди. 

Аммо кейин у фаолиятини якунлашни эълон қилди. Биз шокда эдик", - деди Жорж Сен-Пьер.