Сергей Фомин бу сафар ҳам 3 соатдан ошиқ 3 сетлик учрашув ўтказди

Ушбу мусобақада мамлакатимизнинг иккинчи ракеткаси Сергей Фомин ҳам муваффақиятли одимлаяпти. Ҳамюртимиз ҳозиргина якунига етган 1/4 финал учрашувида яна қийин ғалабага эришди. У 3 соату 10 дақиқа давом этган баҳсда россиялик Константин Жженовни қийинчилик билан мағлуб этди - 6/3, 6/7(6), 6/4. 

Таққослаш учун, Шимкент турнирининг биринчи ракеткаси бўлган Фомин ҳозирда ATP рейтингида 461, бугун жиддий қаршилик кўрсатган Жженов эса 1658-ўринни эгаллаб турибди. Сергей кеча 2 соату 50 дақиқада давом этган 1/8 финалда ҳам 994-ракеткани уч сет натижасига кўра мағлубиятга учратган эди.