Сергей Фомин Мисрдаги турнир ярим финалига йўл олди

Турнирда мамлакатимизнинг биринчи ракеткаси Сергей Фомин ҳам ўз имкониятини синовдан ўтказяпти. Мусобақада биринчи рақам остида сараланган теннисчимиз 1/8 финалда бельгиялик Александр Блокни 7/5, 6/0 ҳисобида мағлуб этиб, чорак финалга йўл олганди. 

Бугун Фомин турнирнинг 1/4 финал босқичида австриялик Лукас Краинерга қарши кортга чиқди. 1 соат 15 дақиқа давом этган ўйинда Фомин рақибини 6:3, 6:2 ҳисобларида мағлубиятга учратди ва ярим финалга йўл олди. 

Маълумот учун, айни вақтда Сергей Фомин жаҳоннинг 371-ракеткаси бўлиб турган бўлса, Лукас Краинер АТР рейтингида 743-поғонани банд этган. 

Энди Фомин ярим финалда россиялик Марат Шариповга қарши кортга чиқади.