15 янв 09:33
Янгиликлар
Бокс/ММА
Сергей Ковалёв жамоаси допингни рад этмоқда
Россиялик боксчи Сергей Ковалёвнинг собиқ промоутери Кэти Дува унинг допинг-тестдан ўта олмаганига муносабат билдирди.
Дува собиқ жаҳон чемпионининг тоза эканига шубҳа қилмаяпти.
"Биз ВАДА тақдим этган маълумот билан танишиб чиқдик. Ковалёв йиллар давомида допингга тахлил топшириб, тоза эканини исботлаб келган. Айнан унинг ўзи биздан Мелиқўзиевга қарши жанг олдидан ВАДАга тест топширини сўраган. Сергей ҳеч қандай тақиқланган модда истеъмол қилмаганини қатъий тасдиқламоқда. Биз B тахлили учун қўшимча тест топширишни талаб қиламиз", — деди Дува.
Эслатиб ўтамиз, кеча собиқ жаҳон чемпионининг қон таркибидан тақиқланган синтетик тестостерон моддаси топилган эди. Бу ҳолат унинг ҳамюртимиз Бектемир Мелиқўзиевга қарши 30 январга белгиланган жангининг ўтказилмаслигига сабаб бўлишга яқин турибди.
Ҳавола :
Фикрлар