Сергей Павловичга рақиб берилди + ПОСТЕР

Сергей Павлович 30 май куни Макаода ўтказиладиган UFC Fight Night 277 турнирида октагонга чиқади. Унинг рақиби бразилиялик Таллисон Тейшейра бўлади. Ушбу жанг UFC промоушени томонидан расман эълон қилинди. 

Маълумот учун, 26 ёшли Таллисон Тейшера UFC октагонида 3 та жанг ўтказган. Жастин Тафани техник нокаутга учратган, Деррик Льюисга техник нокаут билан ютқазган, Таи Туивасани ҳакамларнинг якдил қарори эвазига мағлубиятга учратган.

Сергей Павлович эса икки ғалабали серия билан келмоқда - Жаирзиньо Розенстрайк ва Вальдо Кортес-Акоста таслим этилган. Унгача россиялик 33 ёшли аралаш яккакураш устаси кетма-кет иккита жангда ютқазганди. Вақтинчалик чемпионлик камари учун кечган жангда британиялик Том Аспиналлга нокаут билан имкониятни бой берган бўлса, рус дербисида Александр Волков очколар ҳисобига кўра зафар қучган эди.

Айни пайтда Сергей Павлович UFC оғир вазнлилар рейтингида учинчи, Таллисон Тейшейра эса ўн биринчи ўринни эгаллаб турибди.