18 фев 14:01
Янгиликлар
Бокс/ММА
Сехудо Чимаев ҳақида: "Фақат у Адесаньяни мағлуб этади"
Энг енгил вазн тоифасида собиқ UFC чемпиони Генри Сехудо асли чечен бўлган машҳур швециялик Хамзат Чимаев ҳақида гапирди.
Унинг фикрича, у ўрта вазн тоифасида Исраэль Адесаньядан камарни тортиб олиши мумкин.
"Мен қимор ўйнамайман, лекин агар гаров ўйнасам, Чимаевга пул тикаман. Фақат у Исраэль Адесаньяни мағлуб этади.
Агар Адесанья уни мағлуб эта олса, мен индамай, кечирим сўрайман. Аммо бу жанг бўладиган бўлса, мен Хамзатни танлайман”, - деб ёзди Сехудо ўзининг Тwitter саҳифасида.
Эслатиб ўтамиз, 12 февралдан 13 февралга ўтар кечаси Адесанья австралиялик Роберт Уиттакер билан жангда чемпионлик камарини ҳимоя қилганди. Жанг беш раунд давом этди, якунда барча ҳакамлар амалдаги чемпионнинг ғалабасини қайд этишди. Бу унинг учун қаторасига тўртинчи муваффақиятли чемпионлик ҳимоясидир.
Ҳавола :
Манба : MMA Fighting
Фикрлар