Сехудо Хабибни Гэтжининг хавфли томонлари ҳақида огоҳлантирди

Бу билан америкалик аралаш қоидалар устаси Хабиб Нурмагомедовни огоҳ қилди. Тони Фергюсонни мағлубиятга учратган Жастин Гэтжи Хабибнинг чемпионлик камарига расмий даъвогарга айланган эди.

"Энг катта хавф бу Гэтжининг лоукик зарбалари. Жастин оёқда бел ва тўпиққа зарба беришга интилади. Буни Гэтжининг жангларини томоша қилиш орқали ўзингиз ҳам кўришингиз мумкин. Агар Хабиб бу зарбаларни ўзига қабул қилса, оқибати яхши бўлмайди", — деди Сехудо машҳур UFC шарҳловчиси Жо Роганнинг эфирида.

Маълумот учун, 31 ёшли Хабиб Нурмагомедов 28 та жангнинг барчасида ғалабага эришган. Гэтжи ҳисобида эса 22 та ғалаба ва 2 мағлубият бор.