Шаҳрам Ғиёсов афсонавий Мэнни Пакьяога қарши жанг ўтказишга яқин

У 14 ноябрь куни Тошкент шаҳридаги "Ҳумо Арена" мажмуасида ташкил этиладиган проф бокс оқшомида иштирок этади.

"Жангимиз тўсатдан чиқиб қолди. Худо хоҳласа, 14 ноябрь куни ҳаммани "Ҳумо Арена"да кутамиз. Асосий кардда ўзим бўламан. Рингга энг охирги бўлиб чиқаман. Яъни, асосий жанг менинг иштирокимда бўлиб ўтади. Худо хоҳласа, жуда чиройли жанг бўлиш керак. Яқин орада рақиб ҳам эълон қилинади. Тўсатдан чиқди, ўйланмай рози бўлдим. Акс ҳолда, яна АҚШга учиш керак бўларди

Келишув бўлди, январь ойида Пакьяо Ромеро билан тушади. Ушбу жанг ғолибига қарши мен рингга чиқаман", деди Ғиёсов Instagram саҳифасида.

Аввалроқ, 14 ноябрь куни Тошкентда Lift Promotions ҳамда Matchroom Boxing ҳамкорлигида проф бокс оқшоми ўтказилиши ҳақида хабар бергандик.