16 июн 12:06
Янгиликлар

Бокс/ММА

Шаҳрам Ғиёсов бўлажак жанги олдидан матбуот анжуманида иштирок этди + ФОТО

Ярим ўрта вазн тоифасида ўзбекистонлик профессионал боксчи Шаҳрам Ғиёсов (13-0) якшанба тонгида АҚШнинн Нью-Орлеан шаҳрида мезбонлар вакили Ҳарольд Кальдерон (27-0) билан жанг қилади.

Ҳамюртимиз мазкур жанг олдидан ўз фикрлари билан ўртоқлашди:

"Бу мен учун катта имконият. Мен фақат олға бораман, ва, шунингдек, Нью-Орлеанда бокс тушаётганимдан хурсандман. Бу яхши жанг бўлади, чунки у яхши боксчи. 27-0. Лекин мен ҳаваскор боксда 200 та жанг ўтказганман. Бу мен учун катта имкон. Мен жангни соғинган эдим, бундай жангни орзу қилардим. Якшанба куни рингга чиқишга тайёрман, мухлислар учун яхши бокс кўрсатмоқчиман".

Шунингдек, Matchroom Boxing раҳбари Эдди Хирн мазкур жангдаги ғалаба Ғиёсовга катта имкониятлар эшигини очишини айтди. Шаҳрам эса бунга қуйидагича муносабат билдирди:

"Мен анчадан буён буни кутаётган эдим. Мен бунга тўлиқ тайёрман".