Шаҳрам Ғиёсов чемпионлик жанги ҳақида — "Қирқ бирига ҳам чидаш керак"

WBA камари учун мажбурий даъвогар мақомидаги ҳамюртимиз 14 ноябрь куни Тошкентда россиялик Марк Урвановга қарши баҳс олиб боради.

"Чемпионлик жангига тайёргарлик Америкада бўлади, жанг ҳам ўша ерда ўтказилади. Тошкентдаги жангимдан кейин бир ҳафта дам олиб, АҚШга кетаман. Жангга тайёргарликни бошлайман. Жуда ҳам қаттиқ тайёрланиш керак. Чунки мен бу кунни 7-8 йил кутдим. 2018 йилда Америкада проф боксда дебют қилгандим. Ҳозиргача битта мақсад билан таслим бўлмасдан, меҳнат қилиб, орзу қилиб келяпман. Озгина қолди. Қирқига чидадик, қирқ бирига ҳам чидаш керак", деди Ғиёсов Olamsport.com мухбири Сарвиноз Раҳмонқулова билан суҳбатда.

Шаҳрам Ғиёсов WBA камари учун америкалик Роландо Ромеро билан жанг қилиши керак. WBA ушбу жангни мажбурий қилиб қўйган.