Шаҳрам Ғиёсов фаолиятида илк бор мағлубиятга учради

Ушбу жанг оқшоми доирасида ўзбекистонлик профессионал боксчи Шаҳрам Ғиёсов ҳам рингга кўтарилди.

Мазкур жанг кечасида ҳамюртимизга англиялик Жек Кеттерал рақиб бўлди. Ушбу тўқнашув ярим ўрта вазн тоифасида WBA Regular камари учун ташкил этилди.

12 раундга мўлжалланган жанг тўлиқ давом этди ва унда афсуски Шаҳрам очколар эвазига (109-118, 108-119, 111-116) имкониятни бой берди. Жангнинг 1-раундида боксчимиз нокдаун ҳолатига ҳам тушиб қолди.

Бу боксчимиз учун проф рингдаги илк мағлубият бўлди. Шаҳрам бунгача ўтказилган 17 та жангнинг барчасида ғалабага эришганди.

Шу тариқа, Жек Кеттерал ярим ўрта вазн тоифасида WBA Regular камари соҳибига айланди.