Шаҳрам Ғиёсов Исроил Мадримовнинг вазнига ўтган собиқ чемпион — Жейрон Энниснинг янги дивизиондаги имкониятларини баҳолади

Маълумот учун, Эннис аслида, ярим ўрта вазнда WBA, IBF йўналишлари бўйича чемпион эди. У яқиндагина ўз камарларини вакант қолдириб, супер ярим ўрта вазн тоифасига кўтарилди.

"Энниснинг имкониятлари юқори. Сабаби, унда иқтидор бор, куч бор, зарба ва техника ҳам бор. Ҳар доим вазн ҳақида гапирганман, лекин унинг вазни ҳам йирик эди ўзи. Битта юқоридаги вазнга чиқиш менимча, унга муаммо туғдирмайди. Ҳаммаси билан тенгма-тенг жанг қила олади. Буёғи тайёргарлигига, диетасига ва психологиясига боғлиқ", дейди Ғиёсов.