Шаҳрам Ғиёсов: «У билан охирги марта 2017 йилда жанг қилгандик, энди навбат Сербия-2021`га»

Хабарингиз бор, бокс терма жамаомиз айни кунларда «Янгиобод» спорт базасида Куба терма жамоаси билан биргаликда машғулот олиб бормоқда.  Сербиядаги Жаҳон чемпионатида -71 кг вазн тоифасида юртимиз шарафини ҳимоя қиладиган юлдузимиз - Шаҳрам Ғиёсов Инстаграм тармоғига янги сурат жойлади. Фотода спаррингдан кейинги Ғиёсов ва унинг азалий рақиби Рониэль Иглесиас, мураббий Равшан Ходжаевни кўриш мумкин.

«Бугун азалий рақибим ва дўстим Рониэль Иглесиас билан спарринг жанг ўтказдик. У билан охирги марта 2017 йилги Жаҳон чемпионатида жанг қилган эдик. Энди навбат Сербия-2021`га», - дея изоҳ ёзган Шаҳрам сурат остига.

Эслатиб ўтамиз, иккала рақиб ўзаро уч марта тўқнаш келган. Илк бор Рио Олимпиадасидаги учрашувда Шаҳрам ғолиб бўлган, иккинчи бор 2017 йил WSB'да ҳисоб тенглашган ва учинчи марта худди шу йили Жаҳон чемпионатида яна Ғиёсовнинг қўли баланд кўтарилган.