Шаҳрам Ғиёсов Усик билан бир кардда чемпионлик жангини ўтказади — манба

Унга кўра, ярим ўрта вазн тоифасида фаолият олиб бораётган ҳамюртимиз 23 май куни Мисрнинг Гиза шаҳрида ташкил этиладиган проф бокс оқшомида рингга кўтарилади.

Ғиёсовга ўша куни британиялик 32 ёшли тажрибали Жек Кэттеролл рақиблик қилади. Беллашув WBA Regular чемпионлик камари учун ўтказилади.

Бокс оқшомининг асосий жанги украиналик супер оғир вазн чемпиони Александр Усик ва Рико Верхувен ўртасида кечади.

Маълумот учун, 32 яшар Шаҳрам Ғиёсов проф боксда ҳозирга қадар 17 та жанг ўтказиб, уларнинг барчасида зафар қучган. Кэттеролл ҳисобида эса 32 та ғалаба ва 2 та мағлубият мавжуд.