07 окт 09:52
Янгиликлар

Бокс/ММА

Шаҳрам Ғиёсовнинг Тошкентда "рус Канелоси" билан жанг қилиши айтилди. Бу боксчи сўнгги жангида бошқа бир ҳамюртимизга мағлуб бўлган

14 ноябрь куни пойтахтимиздаги "Ҳумо арена" мажмуасида Lift Promotions ва Matchroom Boxing ҳамкорликда профессионал бокс оқшоми ўтказади.

Мусобақанинг марказий жангида ярим ўрта вазн тоифасидаги ўзбекистонлик чарм қўлқоп устаси Шаҳрам Ғиёсов иштирок этиши айтилган.

Маълум бўлишича, Ғиёсов ўша куни россиялик 29 ёшли Марк Урванов билан баҳс олиб боради. Бу ҳақда oktogonuz нашри хабар бермоқда.

Таъкидлаш жоиз, Wonderboy Ғиёсов проф фаолияти давомида ҳозиргача 17 та жанг ўтказиб, уларнинг барчасида рақибларидан устун келган. "Канело" тахаллусига эга Урвановнинг ҳисобида эса 25 та ғалаба, 4 та мағлубият ва 2 та дуранг бор. Марк июль ойида ўтказган сўнгги жангида ҳамюртимиз Хуршидбек Расулжоновга имкониятни бой берганди.