14 авг 18:20
Янгиликлар

Бокс/ММА

Шаҳрам Ғиёсовнинг вазнида IBF камари учун даъвогарлик жанги белгиланди

Бўлажак жангда ғалаба қозонган боксчи яримўрта вазн IBF чемпионлик камари учун мажбурий даъвогарга айланади.

Ушбу чемпионлик камари учун жанг 13 сентябрь куни Льюисм Крокер ҳамда Пэдди Донован ўртасида ўтказиладиган тўқнашувда аниқланади. Биринчи яримўрта вазнда собиқ жаҳон чемпиони австралиялик Лиам Паро ва франциялик Давид Папо ўртасидаги жанг эса мажбурий даъвогарни аниқлаб беради.

Даъвогарлар ўртасидаги жанг 18 сентябрь куни Австралиянинг Брисбен шаҳрида ўтказилади. 29 ёшли Лиам Паро ўтган йилнинг декабрь ойида биринчи яримўрта вазндаги IBF чемпионлик камарини Ричардсон Хитчинсга бой бериб қўйганди. Шундан кейин июнь ойида ғалаба билан қайтди ва яримўрта вазнга ўтганини эълон қилди.

Айни пайтда Паро рейтингда еттинчи ўринни эгаллаб турибди. Унинг 34 ёшли рақиби Давид Папо (30-0-1, 5 КО) эса саккизинчи поғонадан жой олган.