Шаҳрам камар ҳимоясига тайёргарлик кўриш учун Питерга етиб борди + ФОТО

Чарм қўлқоп устамиз бугун у ерда бўлажак жангига тайёргарликни бошлайди. 

"Тез орада навбатдаги жангим ҳақида расмий маълумотга эга бўламиз", - дейди Ғиёсов. 

Эслатиб ўтамиз, Шаҳрам Ғиёсов сўнгги жангини роппа-роса бир йил олдин, 8 май тонгида АҚШнинг Лас-Вегас шаҳрида мексикалик Кристиан Гомесга қарши ўтказиб, очколар ҳисобига кўра ғалаба қозонган эди. Бу Шаҳрам учун профессионал фаолиятидаги 13-жангдаги 13-ғалабаси бўлганди. У ўтказган жангларининг 9 тасида муддатидан олдин ғалаба қозонган. Проф рингдаги 4 та (2 та 6, 2 та 10 рундлик жанглар) жанги тўлиқ давом этган. 

Ғиёсов айнан бир йил олдинги жангида ярим ўрта вазн (66,6 кг) тоифасида IBF North American Шимолий Америка минтақавий чемпионлик камарини қўлга киритганди. Айни пайтда у IBF рейтингининг 6-поғонасини банд этган.