15 фев 18:52
Янгиликлар

Бокс/ММА

Шакил O'Нил ММАда кимга мухлислик қилишини айтди

Ўтмишда анча таниқли бўлган баскетболчи Шакил O'Нил ММАда америкалик Нейт Диазнинг жангларини ёқтиришини айтди.

"Нейтнинг жангларини ёқтираман, унинг услуби ёқади. Унинг услуби меникига ўхшаш, агар нима демоқчи бўлаётганимни тушунсангиз. У шунчаки, ҳақиқий жангчи. Менга бундай одамлар ёқади, тушуняпсизми, бундай одамлар ҳурматга лойиқ", - O'Нилнинг сўзларини келтиради Essentially Sports.

Нейт Диаз сўнгги жангини UFC 263 турнири доирасида британиялик Леон Эдвардсга қарши ўтказган эди, жангда британиялик жангчининг қўли баланд келган. Нейт дастлаб 2021 йил охиригача яна бир жанг ўтказишни режалаштирган эди, бироқ промоушен унга Хамзат Чимаев билан жанг ўтказишни таклиф қилганидан кейин UFC билан рақиб борасида келиша олмади.

Аввалроқ, Диаз Дастин Порье билан эҳтимолий жанг фаолиятидаги сўнггиси бўлиши мумкинлигини айтган эди.