Шара Буллетнинг RAF лигасидаги дебюти ватандошига қарши бўлади + ПОСТЕР

Ташкилот томонидан Шара Буллетнинг кураш лигасидаги дебют жанги расман эълон қилинди. "Қароқчи" Магомедов 5 сентябрь куни Москва шаҳрида ташкил этиладиган турнирда ватандоши Александр "Шторм" Шлеменкога қарши гиламга чиқади. 

Жорий йилнинг июнь ойида Александр Шлеменко Омскда бўлиб ўтган турнирда АCА лигасидаги дебютини муваффақиятли ўтказиб, иккинчи раундда болгариялик Никола Дипчиковни бўғиш усули билан таслим этганди. Энди у декабрь ойида ватандоши Рамазан Эмеевга қарши АCАнинг ўрта вазн тоифасидаги вакант чемпионлик камари учун қафасга киради. 

Шарабутдин Магомедов ўтган йилнинг февраль ойида ўз фаолиятидаги илк мағлубиятини қабул қилиб олган эди. У Ар-Риёдда бўлиб ўтган UFC Fight Night 250 турнирида британиялик Майкл Пейжга ҳакамларнинг якдил қарори билан имкониятни бой берганди. Бироқ, шундан сўнг у Марк-Андре Баррио ва Мишель Перейра устидан зафар қучиб, ғалабали серияга тушиб олди.