16 сен 08:25
Янгиликлар
Теннис
Шарипова Гуяйн турнири яккалигида финалга чиқди
Хитойнинг Гуяйн шаҳрида ўтказилаётган теннис бўйича соврин жамғармаси 25 000 АҚШ долларидан иборат турнир ўзининг ҳал қилувчи палласига кирди.
“Фьючерс” туркумига кирувчи ушбу мусобақада ҳамюртимиз Сабина Шарипова ҳам муваффақиятли одимлаяпти. Юртимизнинг биринчи рақамли теннисчиси турнирда иккинчи рақам остида ҳаракат қилмоқда.
Ҳозиргина вакиламиз финал чиптасини қўлга киритди. Шарипова ярим финал учрашувида хитойлик теннисчи Жанлан Вейга қарши кортга чиқди. Бир соату 11 дақиқа давом этган баҳсда Шарипова 6:3, 6:1 ҳисобида зафар қучди.
Сабинанинг финалдаги рақибаси беларуслик Лидия Марозова бўлади. Саралаш баҳслари орқали асосий тўрга етиб келган Марозова ярим финалда турнирнинг биринчи ракеткаси, америкалик Бернарда Перани 6:4, 7:6(3) ҳисобида мағлуб этди. Сабина айнан Лидия билан бирга жуфтликда бош мукофотни қўлга киритган эди.
Ҳавола :
Манба : olamsport.com
Фикрлар