Шавкат Раҳмонов Махачевга: "Асосий таҳдид менман!"

Қозоғистонлик аралаш яккакураш устаси Исламни австралиялик устидан қозонган ғалабаси билан табриклади ва ўзини ушбу вазн тоифасидаги асосий таҳдид деб ҳисоблашини маълум қилди.

"Исламни ажойиб чиқиш билан табриклайман. Аммо ярим ўрта вазнда ҳақиқий чақирув барибир мен бўламан!", - деб ёзди мағлубият нималигини билмай келаётган қозоғистонлик жангчи ижтимоий тармоқдаги саҳифасида.

Ислам Махачев UFC 322 турнирининг асосий жангида эндиликда собиқ чемпион Жек Делла Маддаленани ҳакамларнинг якдил қарори билан (50-45, 50-45, 50-45) мағлуб этиб, икки вазнда промоушен чемпионига айланганди. 

Шу йилнинг май ойида чемпионлик жангида иштирок этиши керак бўлган Шавкат Раҳмонов жароҳат сабаб бу имкониятдан фойдалана олмаган эди. Унинг ўрнини эгаллаган Белал Муҳаммад эса Жек Делла Маддаленага чемпионлик жангида ютқазиб қўйганди.