Шавкат Раҳмонов учун яна бир катта йўқотиш — унинг отаси вафот этди

Бу ҳақда Vesti.kz нашри Ozgerisinfo ахборот порталига таяниб хабар берди.

Манба маълумотига кўра, фожеа 2 август куни содир бўлган. Бу ҳақда Ozgerisinfo аккаунтида эълон қилинган марҳум хотирасига бағишланган маърака ҳақидаги хабар орқали маълум бўлган. Шунингдек, маълумотни жангчи жамоасига яқин манба ҳам тасдиқлагани айтилмоқда.

"Ҳурматли қариндошлар, яқинлар ва дўстлар. Отамиз Алпамисов Бақтибай Раҳмонулы хотирасига бағишлаб, Қуръон тиловат қилинадиган пайшанба маъракаси ўтказилади. Қуръон тиловатида иштирок этиб, дуолар қилишингизни сўраймиз", — дейилади яқинларига йўлланган мурожаатда.

Маросим 13 август, пайшанба куни Қарағанда шаҳрида бўлиб ўтади.