Шавкат Раҳмонов Хоакин Баклининг "вызов"ига жавоб қайтарди

Рейтингда 11-ўринни эгаллаб турган америкалик аралаш яккакураш устаси қозоғистонлик жангчини октагонга чорлаганди. "Номад" ўз жавобида Хоакин билан жанг қилишдан ҳеч қандай маъно йўқлигини айтди. 

"Конорга "вызов" ташлаган пайтинг сени ҳаёлпараст деб ўйлагандим. Энди эса ўзингдан кетдинг", - деди Раҳмонов ўзининг ижтимоий тармоқдаги саҳифасида.

Маълумотларга қараганда, Шавкат Раҳмонов навбатдаги жангини 17 август куни Австралиянинг Перт шаҳрида ташкил этиладиган UFC 305 турнири доирасида ўтказиши мумкин. Рейтингда бешинчи ўринни эгаллаб турган австралиялик Жек Делла Маддаленанинг жароҳати Раҳмонов билан қилишини ортга сурди. 

Кетма-кет олти жангининг барчасида ғалаба қозонган Шавкат Раҳмонов сўнгги баҳсида Стивен Томпсонни иккинчи раундда нокаутга учратган эди. Хоакин Бакли эса охирги жангида ҳамюртимиз Нурсултон Рўзибоевни очколар ҳисобига кўра таслим этиб ғалабали сериясини 4 тага етказиб олганди.