22 авг 07:01
Янгиликлар
Бокс/ММА
Шавкат Раҳмоновнинг кейинги рақиби Нурсултон Рўзибоевнинг жамоадоши бўлиши мумкин
Қозоғистонлик аралаш яккакураш устаси Шавкат Раҳмоновнинг навбатдаги жанги тафсилотлари маълум бўлди.
Хабар берилишича, Раҳмонов 22 ноябрь куни Қатарда ташкил этиладиган UFC Fight Night турнири доирасида америкалик Шон Брэдига қарши октагонга чиқиши кутиляпти. Ҳозирда бу жанг бўйича музокаралар давом этаётгани айтилмоқда.
Шавкат жорий ҳафта аввалида UFC'нинг P4P рейтингига киритилди. У яримўрта вазн тоифасида титул учун даъвогар ҳисобланади.
Маълумот ўрнида, 30 ёшли Шавкат Раҳмонов фаолияти давомида 19 та жанг ўтказиб, барчасида зафар қучган. 32 яшар Шон Брэди ҳисобида эса 18 ғалаба ва 1 та мағлубият бор. Шон ўзбекистонлик UFC жангчиси Нурсултон Рўзибоевнинг жамоадоши ҳисобланади.
Ҳавола :
Манба : Спорт Шредингера
Фикрлар