Шахмат. Бугун уч нафар ҳамюртимиз Жаҳон кубогида 2-босқич учрашувларини бошлайди

Бугун мусобақа доирасида 2-босқич баҳслари ўтказилади. 

Жавоҳир Синдаров ва Нодирбек Якуббоев 1-босқичда ғалаба қозонишгани, Нодирбек Абдусатторов эса рейтинги юқорилиги сабаб тўғридан-тўғри 2-босқичда қатнашиши ҳақида хабар қилгандик. 

Бугун бошланадиган 2-босқич баҳсларида ҳамюртларимизга қуйидаги гроссмейстерлар рақиблик қилишади:

Нодирбек Абдусатторов - Вехап Санал (Туркия)

Жавоҳир Синдаров - Маркус Раггер (Австрия)

Нодирбек Якуббоев - Бенжамин Гледура (Венгрия)

Баҳслар Тошкент вақти билан соат 16:00да бошланади. 

Эслатиб ўтамиз, битта раунд баҳслари уч кунгача давом этиши мумкин. Агар ўтган 2 кун (2 та партия) якунига кўра ғолиб аниқланмаса, 3-кунда тай-брэк ўйналади. 

Бунгача Шамсиддин Воҳидов ва Нилуфар Якуббоева мусобақани 1-босқичда якунлади.