Шахматчиларимиз Блиц бўйича жаҳон чемпионатини нечанчи ўринларда якунлашди?

Ушбу нуфузли мусобақада дунёнинг 70 давлати вакиллари орасида Ўзбекистон терма жамоасининг 15 нафар шахматчиси ҳам иштирок этди. Дунё биринчилигининг сўнгги икки куни блиц йўналишида баҳслар ўтказилди. Саралаш баҳсларида кучли тўртликдан жой олиб, ярим финалга йўл олган Нодирбек Абдусатторов ҳиндистонлик Аржун Эргаисини 2,5:0,5 ҳисобида мағлубиятга учратди. Жаҳон чемпионлиги учун кечган драматик финалда эса жаҳоннинг биринчи рақамли шахматчиси, норвегиялик афсона Магнус Карлсенга 1,5:2,5 ҳисобида имкониятни бой бериб, вице-чемпионга айланди.    

Ҳам рапид, ҳам блиц бўйича жаҳон чемпионатидаги энг яхши натижамиз ҳам айнан 2-ўрин бўлди. Жаҳон Кубоги соҳиби Жавоҳир Синдаров 12,5 очко билан қўшимча кўрсаткичларга кўра 14-ўринни эгаллади. Аёллар ўртасидаги блиц мусобақасида эса жаҳон чемпионати кашфиётига айланган ва кетма-кет 6 та партияда ғалаба қозонган Умида Омонова Топ-8`таликдан жой олди. Бу Ўзбекистон аёллар шахмати учун тарихий натижа ҳисобланади. Шу кунгача аёл шахматчиларимиздан ҳеч ким жаҳон чемпионатида кучли саккизталикдан жой олмаганди. 

Шахматчиларимизнинг Блиц баҳсларидаги якуний ўринлари:

Эркаклар:

1. Нодирбек Абдусатторов – 2-ўрин!

2. Жавоҳир Синдаров – 12,5 очко, 14-ўрин

3. Нодирбек Якуббоев – 11 очко, 65-ўрин

4. Муҳаммадзоҳид Суяров – 10 очко, 101-ўрин

5. Жаҳонгир Воҳидов – 10 очко, 118-ўрин

6. Муҳиддин Мадаминов – 9,5 очко, 125-ўрин

7. Шамсиддин Воҳидов – 9,5 очко, 129-ўрин

8. Ҳумоюн Бегмуратов – 9 очко, 153-ўрин

9. Исломбек Синдаров – 8 очко, 194-ўрин

Аёллар:

1. Умида Омонова – 10 очко, 8-ўрин

2. Гулруҳбегим Тохиржонова – 8,5 очко, 44-ўрин

3. Афруза Ҳамдамова – 8 очко, 55-ўрин

4. Мадинабону Халилова – 6,5 очко, 95-ўрин

5. Нилуфар Якуббаева – 6,5 очко, 103-ўрин

6. Гулдона Каримова – 5,5 очко, 123-ўрин