Шифокорлар ассоциацияси COVID-19 даврида ММА турнирларини ўтказмасликка чақирди

Ассоциация берган расмий баёнотда барча белгиланган турнирларни қанча одам йиғилишидан қатъий назар қатъиян бекор қилиш сўралган. Ушбу мактаб барча аралаш қоидалар промоушенларига юборилган. 

Баёнотнинг кескин ва қатъий тарзда берилишига UFC томонидан UFC 249 турнирининг расман ўтказилиши ҳақидаги хабар сабаб бўлган. UFC президенти Дана Уайт кечанинг марказий жангида Тони Фергюсон Жастин Гэтжига қарши октагонга чиқишини эълон қилганди.

"Коронавирус сабаб дунёдаги барча спорт мусобақалари нуфузидан қатъий назар бекор қилинди. Ҳар қандай жанговор яккакураш тури бу - инфекция ташувчи ҳисобланади ва касалликнинг юқишига, кенг оммага тарқалишига сабаб бўлади. Аралаш қоидаларни ташкил этаётганлар ҳам қолган спорт тури вакиллари каби умумий қоидаларга бўйсунишлари шарт!", - дейилади баёнотда.