20 мар 15:05
Янгиликлар

Теннис

Шнайдер ўзидан 24 ёшга катта Винус Уильямсни енгди

АҚШнинг Майами шаҳри мезбонлик қилаётган теннис бўйича нуфузли WTA турнирида иккинчи давра иштирокчилари маълум бўлмоқда.

Дунёнинг 62-ракеткаси бўлиб турган россиялик 20 ёшли Диана Шнайдер илк даврада WTA рейтингида 457-поғонадан жой олган америкалик тажрибали рақибаси, ёзда 44 ёшга тўладиган Винус Уильямсни 6/3, 6/3 ҳисобида мағлубиятга учратди. Бу икки авлод теннисчиларнинг ўзаро ўтказган илк учрашуви эди.

Бир соату 19 дақиқа давом этган баҳсда Шнайдер ҳам, Уильямс ҳам 2 тадан эйс зарбасини амалга оширган. Қўшхатолар 6 га 4 Винус, брейклар эса 6 га 3 кўринишида Диана фойдасига бўлди. Энди Шнайдер Майами турнирининг иккинчи даврасида бошқа бир америкалик теннисчи Мэдисон Кизга қарши кортга чиқади.