Шоҳжаҳон Абдуллаев қирғизистонлик рақибига ҳеч қандай имкон қолдирмасдан ғалаба қозонди!

Тошкентда бокс бўйича катталар ўртасидаги йигирма иккинчи жаҳон чемпионатининг иккинчи куни давом этмоқда. Бироз аввал - 86 кг вазн тоифасида ўзбекистонлик боксчи — Шоҳжаҳон Абдуллаев саралаш жангида қирғизистонлик Адилбек Эркин Улууга қарши рингга кўтарилди. Жанг тўлиқ 3 раунд давом этди ва унда ҳакамларнинг якдил қарори билан ҳамюртимиз Шоҳжаҳон Абдуллаев ғалаба қозониб, кейинги босқичга йўл олди.