12 ноя 09:27
Янгиликлар

Бокс/ММА

Шоҳжаҳон Эргашев кейинги жангини қачон ўтказишини айтди

Мағлубият нималигини билмай келаётган профессионал боксчимиз Шоҳжаҳон Эргашев бугун АҚШ заминидаги илк жангида мезбон боксчини иккинчи раунддаёқ нокаутга учратган эди.

Жанг якунланиши билан нокаутчи боксчимиз сайтимиз учун интервью берди.

“Бу жангни мен узоқ кутган эдим. Турли сабаблар билан бир неча бор АҚШга сафарим кечиктирилганди. Мана ниҳоят бугун ўша жанг бўлиб ўтди. Рақибимни ортиқча қийинчиликсиз нокаутга учратдим. Ўз ғалабам билан мухлисларга қувонч улаша олган бўлсам, бундан хурсандман.

Мақсадим - жаҳон чемпионлик камарини қўлга киритиш! Бу иш қанчалик тез амалга ошса, шунча яхши бўларди. Менежеримдан чемпионлик камари учун жанг ташкил қилиб беришини сўрадим. Режага кўра 12 январь куни рингга кўтариламан”, - деди Шоҳжаҳон Эргашев.