Шоҳжаҳон Эргашев Тошкентда!

Шу муносабат билан боксчимиз ва унинг жамоаси бугун Москвадан Тошкентга келди. Чарм қўлқоп устамизни Ислом Каримов номидаги Тошкент халқаро аэропортида ОАВ ходимлари ҳамда бокс мухлислари кутиб олишди. 

"Илиқ кутиб олганингиз учун ҳаммангизга раҳмат айтаман. Промоушенимизнинг илк жанг оқшоми. Келгусида ҳам машҳур бўлган боксчиларни эмас, балки чекка ҳудудлардаги иқтидорларни порлашига, боксда ўз ўрнини топишига кўмаклашмоқчиман. Мен шундан мотивация оламан. Яқин орада оқшомда рингга кўтариладиган барча жуфтликларни маълум қиламиз", - деди Эргашев.

Бу оқшом бошқа бокс кечаларидан нимаси билан фарқ қилади, мазмунидаги саволга:

"Бу оқшомда мен жанг қиламан. Шуниси билан бошқаларидан фарқ қилади", - дея жавоб берди боксчимиз.

Эслатиб ўтамиз, Shohjahon Promotions томонидан ташкил қилинаётган кеча 11 июнь куни "Юнусобод" спорт мажмуасида бўлиб ўтади ва соат 18:00да бошланади.

Кутиб олиш маросимини кўриш: