Шоҳжаҳон Эргашевни мағлуб этган Матиас нокаут билан ютқазди ва камарини бой берди

Оқшом доирасида британиялик 28 ёшли Далтон Смит биринчи ярим ўрта вазн тоифасида WBC чемпиони пуэрто-риколик 33 ёшли Сабриэль Матиасга қарши рингга кўтарилди. Жангнинг бешинчи раундида Смит номдор рақибини техник нокаутга учратиб, WBC чемпионига айланди. 

Далтон рақибини кетма-кет ўнг томондан йўлланмаган учта зарба эвазига нокдаун ҳолатига тушириб қўйди. Матиас аранг ўрнидан туришга муваффақ бўлди, лекин ҳисобни очган рефери жангни тўхтатишга қарор қилди. Матиас иккинчи бор чемпионлик унвонидан маҳрум бўлди. У 2024 йилнинг декабрь ойида IBF чемпионлик камарини Лиам Парога бой берганди. 

Маълумот учун, Сабриэль Матиас ўз вақтида IBF чемпионлик камарини Шоҳжаҳон Эргашевдан муваффақияли ҳимоя қилганди. Ўшанда Пуэрто-Рико боксчиси чарм қўлқоп устамизни техник нокаутга учратган эди. Вазннинг янги WBC чемпиони Далтон Смит эса профессионал рингдаги мағлубиятсиз юришини давом эттирмоқда. Энди у навбатдаги жангини собиқ WBC чемпиони Альберто Пуэллога қарши ўтказиши керак.