17 янв 13:10
Янгиликлар

Бокс/ММА

Шоҳжаҳон Эргашевнинг навбатдаги жанги қачон?

Профессионал боксда мағлубият нималигини билмай келаётган Шоҳжаҳон Эргашев навбатдаги жангини апрель ойида ўтказиши мумкин.

Бу ҳақида унинг менежери Олег Богданов айтиб ўтди.

"Ўтган жанг Шох учун жуда муҳим эди. У нафақат ёрқин ғалабани қўлга кирита олди, балки ShowTime трансляцияси бўйича ҳам ўзини кўрсатди. Бу жуда муҳим. Унинг навбатдаги жангини апрель ойида ўтказамиз. Йил охирига бориб эса Эргашев чемпионлик камари учун асосий давогарга айланади", - деди Богданов.

Эслатиб ўтамиз, боксчимиз 13 январь куни АҚШда мезбон боксчи Сони Фредриксонни нокаутга учратиб, фаолиятидаги 12-ғалабани қўлга киритганди.