12 фев 12:31
Янгиликлар

Футбол

Шомуродов "Сассуоло"га қарши ўйинда Абрахамнинг ўрнига майдонга тушиши мумкин

Римнинг "Рома" клуби мураббийлар штаби якшанба кунги ўйин олдидан Тэмми Абрахам ҳақида қайғурмоқда.

Бу ҳақда romapress хабар бермоқда.

Англиялик футболчи "Интер"га қарши Италия Кубоги доирасидаги ўйиннинг сўнгги дақиқаларида пайларидан жароҳат олди. Бош мураббий Жозе Моуринью унинг ўрнига Феликсни туширди.

Абрахам жароҳатидан сўнг машғулотларда тўлиқ иштирок этмади, у клуб мураббийлар штаби билан индивидуал машғулотлар билан чекланди. Аммо, Моуринью унинг тўлақонли машғулотларга қайтишига умид қилмоқда.

Агар 24 ёшли футболчи бугунги машғулотларни ноқулайликларсиз ўтказса, унда у жамоа билан Режо-Эмилияга йўл олади.

Клуб унинг соғайиб кетишига умид қилмоқда. Агар у тўлиқ ўзини тайёр ҳис қилса ҳам, у билан таваккал қилинмайди. Бу ҳолатда асосий таркибда англияликнинг ўрнини катта эҳтимол билан ўзбекистонлик форвард Элдор Шомуродов эгаллайди.