10 дек 11:53
Янгиликлар
Бокс/ММА
Шон О`Мелли Коди Гарбрандтга "сакради"
Эътиборга молик жиҳати, бу икки таниқли жангчи эртанги UFC 269 турнирида бир-бирларига қарши октагонга кўтарилишмайди.
Аммо, матбуот анжуманида бир-бирларини куракда турмайдиган сўзлар билан роса сийлашди. Коди Гарбрандт ва Шон О'Мэлли тадбирни ёндириб беришди. Улар бир-бирларини шу кунгача ижтимоий тармоқларда ҳақорат қилиб келишаётганди. Ниҳоят, юзма-юз кўришишди.
"Анави аҳмоқнинг соч турмаги ва кийиб олган кийимига қаранглар. Аҳмоқ, эртага сенинг мендан бошқа муаммоинг бор. Ҳозир мендан кўра Раулиан Пайва ҳақида ўйла, тентак", – дея сўз бошлаган Гарбрандт.
О'Мэлли бу сўзларга битта гап билан жавоб берди: "У 2017 йилдан бери фақат битта жангда ғалаба қозонди".
"Жин урсин сени, кимлар билан ўзи жанг қилгансан? Мен бу болакайга асабимни бузиб ўтирмайман. Эртага ютқазсанг, сени ҳамма ташлаб кетади", – дея Гарбрандтнинг сўзларини келтиради MMA Fighting.
Ҳавола :
Фикрлар