Шон Стрикленд ярим йилга жанглардан четлатилди

Гап шундаки, америкалик аралаш яккакураш устаси икки ой олдин Лас-Вегасда бўлиб ўтган Tuff-N-Uff минтақавий турнирида жанжал кўтарганди. Четлатиш муддати 29 июнь куни содир бўлган воқеадан бошлаб ҳисобланиб, 29 декабрда тугайди. Агар Стрикленд ғазаб ва асабинини бошқариш курсидан ўтса, дисквалификация тўрт ярим ойгача қисқартирилиши мумкин. Бундан ташқари, америкалик 5 000 доллар жарима, шунингдек, қўшимча суд харажатларини ҳам тўлайди.

"Шон Стрикленд бир қадам олдинга юрди. У бу жараённи соддалаштирди. У ўзини тутиши учун узр сўради. Биз инсоннинг масъулиятни ўз зиммасига олишини қадрлаймиз ва қарор тезда қабул қилингани ва барча томонлар билан келишилганидан хурсандмиз. Жаноб Стриклендга яна бир бор миннатдорлик билдирамиз. У хатога йўл қўйди, буни тан олди ва биз буни қадрлаймиз," - дея комиссия хулосасига изоҳ берди унинг раиси Даллас Хаун.

Дарвоқе, Крис Кёртис 2 500 доллар миқдорида жаримага тортилди, у воқеа пайтида Стрикленд билан бирга октангонга кирган. 29 июнь куни Стрикленд Лас-Вегасдаги Tuff-N-Uff 145 турнирида Льюис Эрнандесга сабмишен эвазига ютқазган жамоадоши Майлз Хансингерга секундантлик қилганди. Жанг тугаши билан Эрнандес Стриклендни имо-ишора ва баланд овоз билан провокация қила бошлади. Натижада у октагонга бостириб кириб, икки марта зарба берди, аммо комиссия ва лига вакиллари вазият назоратдан чиқиб кетишидан олдин аралашишга улгуришди.